Ghar ka ek kona sajaya tha
Chota sa...rekhachitra banaya tha
Bade chotey kanch k tukde bhi lagaye the
Jab darwaze se rasoi tak jaati...
Toh lagta mano mujhe dekh ke tim timate!
Use dekhke khush ho jaati.
Ghar ki ek khali diwaar....jahan kuch nahi tha
Waha meri Kalpana bas gayi...
Ab sofe par zyada samay bitati...
Apni kitaab bhi usike saamne baithke padhti
Par kuch hi din ki Shobha tha
Zaroori toh nahi jo mujhe achha lage wo unhe bhi pasand aaye :)
ab diwaar khali rehti hai
Maine khud hi use pehle jaise kar diya.
Unhone poocha bhi kyu hata diya?
Kaash "Purush" .....pratikriya dene se pehle sochte!
Ya shayad auraton ki sabse badi khoobi hai
pak jane per bhi kachhi mitti sa dhal jaana!